My Blog List

சமத்துவ உலகுக்கான சிந்தனைகளைப் படைப்போம்

அறிவியல் சார்ந்த சிந்தனைகளோடும், ஆக்கபூர்வமான அரசியல் பொருளாதாரத் தத்துவங்களோடும் நாம் இங்கு விவாதிப்போம். விவாதம் சமத்துவ உலகை படைப்பதாகவும், இயற்கையாய் அமைந்த விதிகளை புரிந்துகொள்ளவும் ஆவன செய்யும்!

Search This Blog

Pages

Related Posts Plugin for WordPress, Blogger...

29.7.12

எனது முக நூலிலிருந்து... 9

தென்மேற்கு பருவக்காற்று. கர்நாடகத்தில் பலத்த மழை: 6 மாவட்டங்களில் வெள்ளப்பெருக்கு - மாலை மலர்.

பூஜைக்கு கிடைத்தது பலன்: கர்நாடகாவில் கனமழை: கரை புரண்டு ஓடுகிறது வெள்ளம் - தினமலர். 

நீங்க செய்தி போடுறதுக்கு முன்னால, பிரபா ஒயின் ஷாப்புல உக்காந்து, கலந்து பேசி ஒரு முடிவுக்கு வாங்கடா. அப்பத்தான் ஒரேமாதிரி செய்தி போடமுடியும்!


##


திருமலை, ஜூலை 27-

திருப்பதிக்கு சாமி தரிசனம் செய்ய வருகை தரும் இந்து மதம் தவிரித்து பிற மதத்தினர் கோவிலுக்குள் நுழையும் முன்பு, உறுதி மொழி படிவத்தில் கட்டாயம் கையெழுத்திட வேண்டும். கடவுள் வெங்கடேஸ்வரா மீது எனக்கு நம்பிக்கை உள்ளது என்று அந்த உறுதி மொழி படிவத்தில் வாசகம் இடம் பெற்று இருக்கும். 

சுத்தமான நெய்யில செஞ்ச மதமாற்றம். கோதுமை, பால் பவுடர் கொடுத்து மதம் மாத்துறாங்கன்னு அவங்களைச் சொல்றீங்க. ஆனா, நீங்க வெறும் லட்டுவைக் காட்டியே மதமாற்றம் பண்றீங்க. ரெம்பக் கேவலம்ணா. உங்கள அந்த கோய்ஞ்சாமியே மன்னிக்க மாட்டான், கேட்டேளா!


##


ஜனாதிபதி நிகழ்ச்சிகளை யூ-டியூப் வழியாக பார்க்கலாம்.

அந்தக் கண்றாவிய நாங்க எதுக்கு பாக்கணும்?!


##


ஜனாதிபதி தேர்தல்: 52 பேர் செல்லாத வாக்களித்தது வெட்கமாகவும்,வருத்தமாகவும் உள்ளது- கருணாநிதி.

திருமங்கலம் ஃபார்முலாப்படி, ராவோட ராவா, குவாட்டரும் கோழி பிரியாணியும் ஒத்த ஐநூறு ரூபா நோட்டும் குடுத்திருக்கலாம். அழகிரி இப்ப டெல்லியில இல்லியா?!


##


பாராளுமன்றத் தேர்தலில் போட்டியிட ஹசாரே குழு முடிவு.

ஜோக்கர் சின்னம் கேளுங்க!


##


ஒரு நாலு நாளைக்கு இந்த மாதிரி படங்கள்லாம் தொடர்ந்து பத்திரிகைகள்ள வரும். பத்திரிகை தர்மம்!
ஜட்ஜு கூச்சல் போடுவாரு. நாலு நாளைக்குத்தான். அது நீதி தேவதையின் குரல்!
போலீசு வெரட்டி வெரட்டிப் புடிக்கும். நாலே நாளுதான். அரசு நடவடிக்கை. அரசுன்னு ஒண்ணு இருக்கறத காட்டணுமில்ல?! 
இந்த நாலு நாள்ள, 'மக்க' மறந்துட்டாங்கன்னா, நீங்க எப்பவும்போல வண்டிய ஓட்டிக்கலாம். அதுவரையிலும் சாரி ஃபார் த டிஸ்டர்பன்ஸ்!!


##


45 வயது வரை விளையாடுவேன்: தெண்டுல்கர்.

அதை பெப்சியும் எம்ஆர்எஃபும் முடிவு பண்ணிக்குவாங்க. உனக்கு அந்த ரைட்ஸ் இல்ல கண்ணு!!


##


ராமேஸ்வரம், ராமநாதசுவாமி கோயிலில் உண்டியல் திறக்கப்பட்டு காணிக்கை பணத்தை எண்ணும் பணியில் ஈடுபட்ட பர்வதவர்த்தினி பெண்கள் பள்ளி மாணவிகள். படம் : நன்றி, தினமலர். 

குழந்தைத் தொழிலாளர்கள். சட்டப்படி நடவடிக்கை எடுக்க முடியுமா?


##


திவாரியே தந்தை:மரபணு சோதனை மூலம் நிரூபணமானது.

மனைவி, துணைவி, சேவகி, இல்லாள், நல்லாள் அப்படீன்னு சட்டபூர்வமா 'அவுங்களுக்கு' பேரு வச்சிருந்தா, நீ தப்பிச்சிருக்கலாம். எங்க தானைத் தலைவரு கால்தூசிய எடுத்து இபூதியா இட்டுக்கோ!!


##


"தயாநிதி, கலாநிதி ரூ.550 கோடி லஞ்சம் பெற்றது உண்மையே': சி.பி.ஐ., அறிக்கை.

அரஸ்ட்டு பண்றாப்ல இருந்தா, தயாநிதியை மட்டும் பண்ணிக்கோங்க. கலாநிதியை விட்டுடுங்க. அப்புறம், திருமதி செல்வம், தென்றல், தங்கம், நாதசுரம், இதையெல்லாம் நிப்பாட்டிடப்போறாங்க. நாடகம் முக்கியம்யா!!


##


"காங்கிரசுக்கு யானை பலமும், குதிரையின் வேகமும் உண்டு.'' - ஞானதேசிகன்.

ஆனா, தேவாங்கு மூளை இருந்தா, பிய்ஞ்சுபோன செருப்பு அளவுக்குகூட பிரயோஜனமில்லை!


##


கர்நாடகாவில் மழை வேண்டி, அரசு சார்பில், 34 ஆயிரம் கோவில்களில் சிறப்பு பூஜை செய்யப்பட்டது. இதற்காக மாநில அரசு, 17.5 கோடி ரூபாய் செலவு செய்தது. பூஜையின் பலனாக, தென் கர்நாடகா உட்பட மூன்று மாவட்டங்களில் பலத்த மழை பெய்து, வெள்ளம் கரை புறண்டு ஓடுகிறது. பெங்களூரு உட்பட மாநிலம் முழுவதும் மழை பெய்தது - தினமலர் செய்தி.

கர்நாடக மக்களே, யாகத்துக்குச் செலவு செய்த துட்டுல, பாதி 'அமௌண்ட்டை' தமிழக அரசு கொடுத்துடணும் அப்படீன்னு போராட்டம் பண்ணுங்க. காவிரித் தண்ணிய மட்டும் கேட்டு வாங்கிக்கத் தெரியுதில்ல?!!


##


மாணவியை பலி வாங்கிய பள்ளிப் பேருந்து: தகுதிச் சான்று வழங்கிய ஆர்.டி.ஓ. சஸ்பெண்ட்.

அடுத்து, பிதுங்கி வழியும் ஷேர் ஆட்டோவிலிருந்து ஒருவர் கீழே விழுந்து செத்தால், ஷேர் ஆட்டோக்களை வளைச்சு வளைச்சு பிடிப்பாங்க. எல்லாம் ஒரு மூணு நாளு கூத்து.

உயிர்களைக் கொன்னு, அனுபவப் பாடத்தைக் கத்துக்குது நம்ம வக்கத்த அரசாங்கம். காறித் துப்பணும். யார் மூஞ்சில துப்பட்டும்?!


##


வெள்ளி பனி மலையில் வீரப்போராட்டம்: இன்று கார்கில் நினைவு தினம்.

இமயமலையில் வெற்றிக்கொடி. குமரிமுனையில் கூழைக்கும்பிடு. மண்ணுக்காக போராடுவது வீரமல்ல; மனிதனைக் காக்கப் போராடுவதே வீரம். வெட்கித் தலை குனிவோம்!!


##


வறுமை என்ற வார்த்தை, இந்திய அகராதியில் இருந்து அகற்றப்பட வேண்டும்: பிரணாப்.

மொதோ முத்து! பவர்ஃபுல்லான நிதியமைச்சரா இருந்தபோதே ஒழிக்க முடியலை. இப்ப டம்மீ பீசு. என்னத்தைக் கிழிக்கப்போற?!!


##


பூக்கள்… வாழ்க்கையில் வலிகளை ஏற்படுத்தும் தருணங்கள் ஏராளம். உதாரணத்துக்கு… சென்னையை அடுத்த பெரிய பாளையம் சுறுப்பட்டு கிராமங்களில் ரோசா சாகுபடி அதிகம். நள்ளிரவு இரண்டு மணிக்கு, ஊரிலுள்ள அத்தனை மக்களும் முழங்கையில் லாந்தர் விளக்கை மாட்டிக்கொண்டுஅல்லது தலையில் டார்ச் விளக்கை மாட்டிக்கொண்டு, ரோசாப்பூ பறிக்கச் செல்லவேண்டும். அது லேசான தூரலோ, கடும் மழையோ, நடுநடுங்கும் குளிரோ… பாம்போ, பல்லியோ, தேளோ, பூரானோ, பேயோ, பிசாசோ… ஆனால் நள்ளிரவு இரண்டு மணி என்பது அதி முக்கியமான நேரம். பூக்கள் மலர்ந்தவுடன் பறிக்கப்பட்டு, அதிகாலையிலேயே பட்டணத்துக்கு மார்க்கெட்டுக்கு சென்றுவிடவேண்டுமென்றால், இந்த நேரத்தில்தான் பூப்பறிக்கவேண்டும். விடியற்காலை வரும் முதல் பஸ்ஸில் மூட்டை கட்டி ஏற்றிவிடவேண்டும். நேரம் தவறினால் அத்தனையும் பாழ். குப்பையில்தான் கொட்டவேண்டும்.

அந்த நேரத்தில் நீங்கள் வண்டியில் பயணம் செய்ய நேர்ந்தால், பார்க்கலாம். கண்ணுக்கெட்டிய தூரம் வரை மின் மினிப் பூச்சிகள் போல் விளக்குகள் மினுக்கிக்கொண்டிருக்கும். நூற்றுக்கணக்கானோர் பூப்பறித்துக்கொண்டிருப்பார்கள். அந்த நேரத்தில் ஊரே வெறிச்சோடிக் கிடக்கும்.

அண்ணா நகரிலும், அபிராம புரத்திலும் பொக்கே பார்லர்களில் விற்பனைக்காக சிரித்துக்கொண்டிருக்கும் பூங்கொத்துகளின் உள்ளே வேதனைகளுக்குப் பஞ்சமில்லை!



##


தன் அக்காளிடம் சொல்லி ஆசைப்பட்டது போலவே, குதிரைகளோடு குதிரையாக, ஒரு மண் குதிரை ஜனாதிபதி லாயத்தில் சேர்க்கப்பட்டுவிட்டது.


##


ஆழ்வார்குறிச்சி, ஏ.பி.நாடானூரில் முதியவர் ரூ.1.50க்கு தோசை விற்று
வருகிறார்.

"நானும் ஒண்ணாற்ரூவாய்க்கு குடுப்பேன். ஆனா, நீங்க ஒரு தோசைக்கு 38.50 மேல போட்டுக் குடுத்தாத்தான் நான் ஜீவஜோதி கேசையே நடத்த வேண்டிய கண்டிசன்ல கெடக்கேன்!" - சரவணபவன் அண்ணாச்சி.



##


பழங்குடியினத்தவர் ஒருவரை ஜனாதிபதியாக அடைய
கிடைத்த அரிய வாய்ப்பை நமது நாடு இழந்துள்ளது: சங்மா.

யோவ். அதெல்லாம் கிடக்கட்டும். நீ பழங்குடி மககளுக்காக என்ன ம... மண்ணாங்கட்டி கிழிச்ச?!! அத்தைச் சொல்லுய்யா மொதல்ல!



##


இயக்கத்துக்காக மார்பை பிளந்து காட்டுவேன் : மாஜி அமைச்சர் செங்கோட்டையன் உருக்கம்.

பொளந்து கட்டினேன்னா, கையும் களவுமா மாட்டிக்குவே. அதுக்குள்ற செட்டப்பு தானேய்யா இருக்குது?! அப்புறம், பொண்டாட்டி வேற பப்ளிக்கா தொடப்பக்கட்டையாலயே விளாசும். தேவையா?



##


திறந்த வெளியில் கழிவுகளை வீசினால் ரூ.10 ஆயிரம் அபராதம்: கேரள அரசு முடிவு.

தமிழ் நாட்டு பார்டர்லதான் கொட்டணும்!!



##


தேக்குமரத் திட்டம்
நாமம் போட்ட பிறகு,
ஈமு கோழி.
பிற்காலத்துல
இதுவும்
பட்டையா நாமம் போடும்போது,
குறைந்த பட்சம்
கோழி விளம்பரத்துல வந்த
நடிகர்களையாவது
கைது பண்ணுங்கடா, டேய்!!



##


பிரணாப் பதவியேற்கும்போது, அவர் பேசுறத டிடில காட்டுவாங்க. தவறாம உங்க குழந்தைகளை பார்க்கச் சொல்லுங்க. இங்கிலீஷ் உச்சரிப்பை நல்லா கத்துக்கலாம்!!


##


உலகில் உள்ள அத்தனை நாடுகளும், சிவப்புக் கம்பளம் விரித்து வைத்துக்கொண்டு, வரவேற்கத் தயாராகிவிட்டன! இனி, கிளம்ப வேண்டியதுதான் பாக்கி!!


##


காதுல புகை. ஹிப்பித்தலை மயிரு காதை மூடிக்கிட்டிருந்தாலும், புஸ்ஸுன்னு வெளியில வரும்!


##


இதைத்தானே எதிர்பார்த்தாய் நந்தகுமாரா?
போ. போய் உன் மாட மாளிகளைப் பார்.
தோட்டம் துரவுகளைப் பார்.
ஆனால், நீ அமரப்போவது என்னவோ, அதே நாத்தம் புடிச்ச சிம்மாசனம்தான்.
போ. போய் நசுக்கிக் குசு விடு!



##



22.7.12

ஏழு தலைமுறைக்கும் சோறு!!



ஏழு தலைமுறையா,
உழுது பாத்தாச்சு.
வெதைச்சுப் பாத்தாச்சு.
வெட்டியா இருக்காம,
வேலைக்கும் போயாச்சு.
ம்ஹூம்.
ஒத்த பைசா
ப்ரயோஜனமில்ல!

கழுத,
கிடக்கட்டும்மின்னு...
கதராடை உடுத்தி,
கட்ட பஞ்சாயத்து பண்ணினேன்.
ஏழு தலைமுறைக்கும்
சோறு!!
காந்தியிசம்!!!



###


நல்ல வேளை!

பக்கிங்ஹாம் பரதேசியும்,
பிளாட்பாரத்து ராஜாவும்,
இன்னும் தெளிவா
சொல்லப்போனா,
இந்திய ஜனநாயகத்து
ஜனாதிபதியும்கூட,
'அவங்க அவங்க
குண்டிகள
அவிய்ங்க அவிய்ங்களே
கழுவிக்கிறாங்க'
அப்படீங்கற வகையில,
கடவுள் இருக்கிறாருங்கறத
கண்டிப்பா ஒத்துக்கோணும்!!






16.7.12

காமராஜ் vs கலாம்...



மிஸ்டர் காமராஜ்...
உங்கள்
மதிய உணவுத் திட்டத்தால்
என் புத்தகப்பையில் 
புகுந்துகொண்டது
ஒரு அலுமினியத் தட்டு...
இன்று அது
என் மகனுக்கு.
இது ஒரு சாபக்கேடு!

கான்வென்ட்டு மாளிகையில்
கலாமின் வாரிசுகள்
வறுத்த கோழிக்கான
கனவில் இருக்கும்போது...
கார்ப்பரேஷன் பள்ளிகளில்
தினந்தோறும் எங்களுக்கு
உண்மையான கோழி முட்டை!!

மிஸ்டர் காமராஜ்...!
கறிக் கோழிக்கான
கலாமின் கனவு
பலிக்குமா தெரியாது.
ஆனால்
நீங்கள் கண்ட கனவு
கடைசியில்
பலித்தேவிட்டது.
கல்விக்குப் பதிலாக...
கோழிமுட்டை!!!

15.7.12

எனது முகநூலிலிருந்து... 8


#  அமெரிக்க அதிபர் தேர்தலில் ஒபாமாவுக்கு வெற்றி வாய்ப்பு: புதிய கருத்துக்கணிப்பில் தகவல்.

போங்கடாங்... அமெரிக்காவுல 'நக்கீரன்' வந்து மக்கள்கிட்ட கருத்துக்கணிப்பு நடத்தி, கருத்துக்கணிப்பு சொன்னாத்தான் அது 100% உண்மையா இருக்கும். எதுக்கும் கோவாலுகிட்ட ஒரு வார்த்தை கேட்டுக்கோங்க!

#  கால்நடை ஆஸ்பத்திரி-மருந்தகங்களை மேம்படுத்த ரூ.25 கோடி: ஜெயலலிதா உத்தரவு.

நல்ல உத்தரவு. அப்படியே, கோமாதாக்களுக்கு மட்டும் 'ஸ்பெஷல் ஏசி வார்டுகளை' கட்டித் தருமாறு தாயுள்ளத்தை தாழ்மையுடன் கேட்டுக்கொள்கிறேன்.

#  ஜனாதிபதி பதவியிலிருந்து ஓய்வு பெற இன்னும் 13 நாட்களே உள்ள நிலையில் முழு மன திருப்தியில் விடைபெற்றுக்கொள்கிறேன் - பிரதிபா பாட்டில்.

இத்தனை நாளா பிளைட்டே கதின்னு கெடந்தீங்க. ஒரு சேஞ்சுக்கு இந்த கடேசி 13 நாளைக்கும் ஹெலிகாப்டர்லியே சுத்தி வாங்களேன்?! எதாவது அதிசயம் நிகழுதான்னு பாக்கலாம்!!

#  கால்நடை ஆஸ்பத்திரி-மருந்தகங்களை மேம்படுத்த ரூ.25 கோடி: ஜெயலலிதா உத்தரவு.

நல்ல உத்தரவு. அப்படியே, கோமாதாக்களுக்கு மட்டும் 'ஸ்பெஷல் ஏசி வார்டுகளை' கட்டித் தருமாறு தாயுள்ளத்தை தாழ்மையுடன் கேட்டுக்கொள்கிறேன்

#  "விமானங்களை ரத்து செய்தல், செய்தியாளர்களிடம் பேசுதல், நிறுவனத்தை அவமதித்தல் போன்றவற்றை செய்ததால்தான் நமக்கு சம்பளம் தந்துள்ளனர் என்று சிலர் நினைக்கலாம். அது தவறு. நமது நிறுவனத்தில் முதலீடு செய்துள்ளவர்களின் நம்பிக்கையை வைத்து நான் மறுமுதலீடுக்கு முயற்சி எடுத்ததன் பலனாக இவை நடைபெற்றன’’ - தனது நிறுவனத்தின் ஊழியர்களுக்கு விஜய் மல்லையா கடிதம். 

பிச்சை கேக்குற நாய்க்கு லொள்ளப் பாரு! தெனாவட்டப் பாரு!! ஆனாலும் இந்த கேப்மாரியின் ஈகோ, போராட்டக்காரங்க கிட்ட தோத்துப்போச்சி!! ரொம்ப ரோஷமா இருந்தா, தூக்கு மாட்டிக்கிட்டு சாவுடா!


#  திருமலையில் கடத்தப்பட்ட குழந்தையை கண்டுபிடித்து தந்தால் ரூ.1 லட்சம் பரிசு: தேவஸ்தானம் அறிவிப்பு.

எதுக்கும் பெருமாளோட உண்டியல்ல தேடிப்பாருங்க. நேர்த்திக்கடன்னு சொல்லிட்டு, அந்த கருமாந்துரத்துல போட்டுத் தொலைச்சிருக்கப் போறாங்க!!

#  லண்டன்: விரைவில் துவங்கவிருக்கும் ஒலிம்பிக் போட்டியின் போது சதிச்செயலை நடத்தி பயங்கர சேதத்தை ஏற்படுத்த பயங்கரவாதிகள் திட்டமிட்டு இருப்பதாக ரகசிய போலீசாருக்கு தகவல் கிடைத்துள்ளது. இதன் அடிப்படையில் கூடுதல் பாதுகாப்புக்கு உத்தரவிடப்ட்டுள்ளது.

இந்தியாவுல ஆகஸ்ட்டு பதினஞ்சு வர்றதுக்கு ஒரு வாரத்துக்கு மின்னால உளவுத் துறை வழக்கம்போல ஒரு அறிக்கை விடும். 'சுதந்திர தின விழாவை சீர்குலைக்க பாக்கிஸ்தான் தீவிரவாதிகள் சதி...' அப்படீன்னு.

தீவிரவாதிங்க மிறட்டுறாங்களோ இல்லையோ, இவங்க பத்து நாளைக்கு முன்னாலையே மூத்திரம் போயிடுவாங்க!!!

#  ஜெகதீஷ் ஷெட்டர் : "ஊழலற்ற நல்ல அரசைக் கொடுப்பேன் என்றும் நான் உறுதியளி..."

"ஏய்.... போதும், போதும். நிப்ப்பாட்டு. அடுத்த முதலமைச்சர் யாரு? சீக்கிரம் ஓடியா. அந்த உறுதிமொழி பத்திரத்தை அவர் கையில குடுத்துட்டு, நீங்க மேடையை விட்டு இறங்கிடுங்க மிஸ்டர். ஷெட்டர்!!"

#  "99.9% வியர்வை நாற்றம் போகும்." லைஃப்-பாய்.
"99.9% பொடுகு சுத்தமாகும்." ஹெட் & ஷோல்டர் டான்றஃப் ஷாம்பூ.
"99.9% கிருமிகள் போயே போய்விடும்." டெட்டால் சோபு.
"99.9% பல்லிருக்கும் கிருமிகளை அடித்து சொறுக்கும்." பெப்சோடென்ட்.

ஏன் கிருமிகள் 100% போகமாட்டேங்குது? அந்த மிச்சம் இருக்கிற 01% கிருமி என்னவாகும்? அது சட்டத்துல ஓட்டை போடும். எவனாவது வக்கீல் வண்டு முருகன் "என்னோட கஸ்டமருக்கு லைஃப் பாய் போட்டதால வியர்வை நாற்றம் போகவேயில்லை..." அப்படீன்னு கேஸ் போட்டா தப்பிச்சி ஓடுறதுக்குத்தான் மிச்சமிருக்கிற .01% நம்ம உடம்பிலயே தொத்திக்கிட்டு இருக்கும்! Consult with your physician or your advocate!!
#  துணை ஜனாதிபதி தேர்தல்: சூழ்நிலையை பொறுத்து பரிந்துரைப்போம் - சூழ்நிலைவாதி கருணாநிதி. 

கேப்மாறித்தனம் பண்றதுக்கு இப்பல்லாம் ஒளிவு மறைவு தேவையே இல்லை. எல்லாம் சகஜமாப் போச்சு. 'ஜெயிலுக்குப் போறவனுக்குத்தான் பதவி கிடக்கும்னு' இவரோட பையன் சொல்லிக்கலையா?!!

#  "பாட்டில் குடிநீருக்கு, 15 ரூபாய் அல்லது ஐஸ் கிரீமிற்கு 20 ரூபாய் செலவழிக்கத் தயாராக இருக்கும், நம் நாட்டில் உள்ள மக்கள், அரிசிக்கோ அல்லது கோதுமைக்கோ, கிலோவுக்கு ஒரு ரூபாய் விலை ஏற்றினால், கூச்சல் போடுகின்றனர்." - ஆர்வார்டு அல்லக்கை சிதம்பரம்.

ஏ அமெரிக்க எடுப்பே, குடிதண்ணீரையே அமெரிக்கக் கம்பெனிகள்தான் விற்பனை செய்கின்றன. குடிக்கும் தண்ணீரையும் விலையை உயர்த்தி விற்றுக்கொள்ளச் சொன்னதும் நீங்கள்தான். ஆர்வர்டு பல்கலையில் தவறான பாடம் படித்த குள்ள நரியே; உனக்கு சரியான பாடம் புகட்ட உன் மீது ஒரு இந்தியன் செருப்பு வீசியதில் சிறிதும் தவறில்லை!
#  புறநானூறு, அகனாநூறு... இத்யாதிகளின் கூற்றுப்படி, அண்டை நாடு / அண்டை அரசன் என்றால் அவர்கள் யாவரும் நமக்குப் பகைவர்கள் எனும் வெறியை ஊட்டி, வீரம் வீரம் என்று பிணாத்தலிட்டு, இளஞ்சிறுவர்கள், இளைஞர்கள் என்று ஒருவரையும் விட்டுவைக்காமல், போர்க்களத்துக்கு அழைத்துச் சென்று, மலை மலையாகக் கொன்று பிணமாக்கினார்கள், நம் சேர சோழ பாண்டிய மன்னர்கள் மற்றும் குறுநில மன்னர்கள். இதற்கு அப்போதைய கூலி - நரவும் (கள் அல்லது மது), ஆட்டுக் கறியும், வயிறு புடைக்க சோறும்!

இதே கதைதான் இன்றைய தேதி வரைக்கும் தொடர்கிறது. அண்டை நாடு என்றால் அவன் நமக்கு எதிரி என்று மக்களை மூளைச்சலவை செய்து, அன்றைய கேடுகெட்ட மன்னர்களைப்போல, இன்றைய நவீன உலகத்து நாடுகளின் அரசுகளும் இளைஞர்களாகப் பொறுக்கியெடுத்து, அவர்களை போருக்குப் பலியாக்குகிறது. இதற்கு இப்போதைய கூலி - ரம்மும், ஜின்னும், வயிறு புடைக்க சப்பாத்தி ரொட்டியும், கை நிறையக் காசும்.

ஆனால் மூளை மழுங்கிய போர் வீரன், தான் எதற்காகச் சண்டையிடுகிறோம், எதற்காகச் சாகிறோம் என்று தன் மனசாட்சிக்குத் தெரிவிக்காமலேயே, கூலிக்கு மாறடித்து செத்து மடிகிறான்!!
#   வருஷம் ஒருக்கா,
ஊர்ல நடக்குற
கூழு வூத்துற
விழாவுக்கே
வெர்னா, விட்டாரா,
வேக்ஸ்-வேகன்னு
வந்து
பிலிம் காட்டுற
பில்டப்புகளே...

இதே ஊருல,
இதே தெருவுல,
நீங்க எப்பவோ
தவிக்க விட்டுப்போன
உங்க ஆத்தா...

பசிவேளை நேரத்துல
புல்லுக்கட்டை
சொமந்துகிட்டு
சோப்ளாங்கியா
நடந்துபோறாளே...
அவளுக்கு எப்படா
அரை வகிறு
கஞ்சி ஊத்தப்போறீங்க?!!
 
#   கார்ப்பரேஷன் பள்ளிக் குழந்தைங்க கால்ல செருப்பு இல்லைன்னாலும், காட்டுக் குருவி உற்சாகத்தோட, எள்ளலும் துள்ளலுமா பள்ளிக்குள்ள நுழையறாங்க. ஆனா, பளபளன்னு போற கான்வென்ட்டு ஸ்கூல் பசங்க, ஏதோ கையிலையும் கால்லயும் விலங்கு பூட்டின ஏர்வாடி நோயாளி மாதிரி, உம்முன்னு தலை குனிஞ்சிக்கிட்டு, கப்சிப்னு போறாங்க!! மதிப்பெண் யாருக்குப் போடுவீங்க?!! 
ஐய்யா ஏக்குன்னு சொன்னா, அம்மா பூக்குன்னு சொல்லும். நூலகம் கல்யாண மண்டபம் ஆனவரையில் சந்தோஷப் பட்டுக்கோங்க இனிய தமிழ் மக்களே. நல்ல வேளையாய் கலைஞர் 1008 கல்யாணம் பண்ணி வைக்கவில்லை. அப்படி கல்யாணம் பண்ணி வெச்சிருந்தா, அம்மா தேடிப்புடிச்சி 1008 தாலியையும் அறுத்து எறிஞ்சிருக்கமாட்டாங்க?!! 
#   திருடன் லெஃப்டுல ஓடுனா, போலீசு ரைட்டுல தேடிட்டு ஓடணும்.
வாய்தா மேல வாய்தா போட்டு கேசு கட்டே மக்கிப் போகணும்.
மூணு நாளுக்கு முன்னால போட்ட தார் ரோடு, ஒரே நாள் மழையில மண் ரோடா மாறிப்போகணும்.
ரேஷன் கடைல சர்க்கரை நிறுக்கும்போது இருந்த ஒரு கிலோ, வெளியில வரும்போது முக்கா கிலோ ஆகிடணும்.
இதெல்லாம் சகஜம் அப்படீன்னு ஏத்துக்க மறுக்குற ஆளா நீ?
உன் இடுப்புக்குக் கீழ குனிஞ்சிப் பாரு. கோவணம் தொங்குமே?!!
ஏன்னா, இது நிர்வாண நரகம்! 
#   மூடாத பாதாள சாக்கடை குழியில நூறு பேரு விழுந்து செத்தாலும் கவலை இல்லை; ஆனா ஒரு மந்திரியோட பையன், ஸ்பீடா போயி, ஸ்பீடு பிரேக்கர்ல விழுந்து செத்துட்டான்னா, அதுக்கு காரணமான நாசமாப்போன ஸ்பீடு ப்ரேக்கருக்கு உடனடியா வெள்ளை பெயிண்ட்டு அடிக்கோணும். இதுதான் அரசோட மனிதாபிமானம். 

அப்போ, அந்த பாதாளச் சாக்கடைக் குழிக்கு இன்னாதான் தீர்வுஅப்படீன்னு கேக்கறீங்களா? பக்கத்துல இருக்கிற மரத்துல இருந்து, பச்சைக் கிளையை ஒடிச்சி, அந்தக் குழிக்கு முன்னால நட்டு வைக்கோணும். இதுதான் பாரம்பர்யம்!! 
#   "இன்று என் பொண்ணும் swimmingபோயிட்டு வரும்போது ஜெமினிமேம்பாலந்திலிருந்து பஸ் கீழே விழுந்து ஏற்பட்ட ட்ராஃபிக் ஜாமில் 2மணிநேரம் சிக்கினோம்.பொருமையிழந்த அவள் வெறுத்துப்போய் சொன்னாள் அப்பா நீ swimmingகத்துக்கிறதுக்குப் பதிலா Flying கத்துக்கேயன்."

சென்னை, ஜெமினி மேம்பாலத்திலிருந்து பேருந்து கவிழ்ந்து விபத்து ஏற்பட்டு, 40 பேர் படுகாயத்துடன் கதறிக்கொண்டிருந்தபோது, 'மனுஷ்யபுத்திரன்' எனும் பதிப்பாளரின் அரட்டை வார்த்தைகள் இவை. மனிதாபிமானம் இல்லாதவர்களெல்லாம் 'மனுஷ்யபுத்திரன்' என்று புனைப்பெயர் வைத்துக்கொள்வதற்குப் பதில், 'மிருகப்புத்திரன்' என்று பெயர் வைத்துக்கொண்டிருக்கலாம்!!
 
#   பேருந்து கவிழ்ந்த போட்டோவோட நியூசு முடிஞ்சுபோச்சு. மருத்துவமனையில் அட்மிட் ஆனவுங்க எப்படி இருக்காங்க அப்படீங்கற விவரம், போட்டோவெல்லாம் பத்திரிக்கைல வராது. இப்ப என்ன, ரயிலா கவுந்து எல்லாரும் அடிபட்டு ஆசுபத்திரிகைல கிடக்கிறாங்க? ஏதோ ஒரு போல்ட்டு-நட்டு கழண்டு சிறு விபத்து நடந்துபோச்சு. இதுக்கெல்லாம் பத்திரிக்கைங்க கூவுமா? அவுங்க குடுத்த காசுக்குமேல கூவறங்களாச்சே?!! 
#  லண்டன் ஒலிம்பிக் தொடக்க விழாவில் இளையராஜாவின் பாடல். ரெம்ப சந்தோஷம். இந்த ஒலிம்பிக் நிறைவு நாள் விழாவிலும், இளையராஜாவின் "உன் குத்தமா, என் குத்தமா, யாரை இங்கு குத்தம் சொல்ல..." என்ற இந்தப் பாடலைப் போட்டுட்டா, இந்தியக் கொடியைப் பிடிச்சிக்கிட்டு, மூஞ்சியைத் தொங்கப்போட்டுக்கிட்டு, காலி பாக்கெட்டுக்குள்ற கைவிட்டுக்கிட்டு நடந்து வரும் நம்ம வீரர்களின் 'சிச்சுவேஷனுக்கு' ஏத்தமாதிரி பொருத்தமா இருக்கும்...!!
#  சென்னை: தி.மு.க.,வினரை குண்டர் சட்டத்தில் அடைக்கக் கூடாது என வலியுறுத்தி, வரும் 4ம் தேதி சிறை நிரப்பும் போராட்டம் நடத்த, தி.மு.க., செயற்குழுவில் நேற்று தீர்மானம் நிறைவேற்றப்பட்டது.

தமிழா தமிழா,
எங்கள் கைகளில் 
விலங்கு மாட்டி,
வேட்டியை அவிழ்த்து,
குண்டர் சட்டத்தில்
கொடுஞ்சிறையில் தள்ளினாலும்
நாங்கள்
அலுமினியத் தட்டுகளையும் டம்ளர்களையும்
அப்படியே அள்ளிக்கொண்டு வந்து விடுவோம்.
முடிந்தால்
கக்கூசு போகும் பீங்கானையும்
பிடுங்கிக்கொண்டு வந்துவிடுவோம்!!


#  கச்சத்தீவை மீட்க வேண்டும்: ராமதாஸ்.

சிரிலங்காவை சீண்டினா மாதிரியும் ஆச்சு.
ஜெயாவுக்கு ஜால்ரா போட்டா மாதிரியும் ஆச்சு.
டமிலனுக்கு டகால்டி குடுத்தா மாதிரியும் ஆச்சு.

நான் என்னமோ இந்த ஆளு வெறும் மரம் வெட்டின்னு நெனைச்சேன்!!








2.7.12

அடியே என் தங்க ரதம்...



விதைக்க
நிலமில்லை.
இறைக்க
நீரில்லை.
அறுக்க
ஆளில்லை.
இருந்தாலும்...
'ஆர்கானிக்' நெல்லுக்கு
'ஆர்டர்' வந்திருக்கு.
அடியே என் தங்க ரதம்,
கடைசியாய்
ஒரு முறை
உன் தாலியை
கழற்றிக் கொடு!!