தலைவா... தலைவா... எனது முகநூலிலிருந்து... 32

## தன்னோட படம் வெளியாகவில்லையென்றால் நான் அமெரிக்காவுக்கு ஓடிப்போய்விடுவேன் என்று ரோஷத்தோடு சொன்ன தமிழ்த் திரைத் தூண், தன் சகநடிகன் அதே போன்றதொரு பிரச்சினையில் இருக்கும்போது ஒரு மாரல் சப்போர்ட்டாக ஒரு சின்ன தும்மலைக்கூட தும்மவில்லை. கமல் சுயநலவாதியாக நடிக்கவில்லை; வாழ்ந்து காட்டுகிறார்.

## ஒரு பிரஸ் மீட் போட்டு, அம்மாவிடம் ஒரு பகிரங்க மன்னிப்புக்கேட்டுவிட்டு, வடிவேலு இருபத்து நாலே மணி நேரத்தில் திரும்பவும் நடிக்க வந்துவிடலாம். ஆனால் அவர் அப்படிச் செய்யவில்லை.

ஆனால், தலைவா ஓடவேண்டும் என்பதற்காக அப்பனும் மகனும் இனிமேல் யார்யார் காலிலெல்லாம் விழப்போகிறார்கள் பாருங்கள். (குசேலன் எனும் ஒரு தருத்திரப் படம் கர்நாடகாவில் வெளிவரவேண்டும் என்பதற்காக, ரஜினி கர்நாடக மக்களிடம் மன்னிப்புக் கேட்டு பல்ட்டி அடித்தது நினைவிலிருக்கிறது).

வடிவேலுதான் ஊருக்கெல்லாம் உண்மையான ஹீரோ.
'இதுகள்' எல்லாம் வெறும் வெத்துவேட்டு ஜீரோ!

## இனிமே, திரைக்கதை எழுதி, ஹீரோவை தேர்வு செய்த கையோட, ஏமாளி மக்கள் மனசுல ஒரு பரபரப்பை ஏற்படுத்தி, படத்தைப் பப்பிளிசிட்டி செய்ய, இன்னொரு கதையையும் ரெடி செஞ்சு வச்சுக்கணும். பிற்பாடு, திரைக்கதையை இயக்கணும்; பப்ளிசிட்டி கதையை தைரியமா பப்ளிக்குல வுடணும். 

திரைக் கதையை விட பப்ளிசிட்டி கதை பக்காவா சும்மா தில்லா இருக்கணும். சாதி மதக் கலவரம் இருந்தா இன்னும் விசேசம். கலக்சனுக்கு உத்தரவாதம் இதுதான். தசாவதாரம், தலைவா எல்லாம் ஒரு முன் மாதிரிகள். வாழ்க வளமுடன்.

##  கோட்டையிலும், பாராளுமன்றத்திலும் நிற்பது போலவும், நாளைய, வருங்கால போன்ற அரசியல் வார்த்தைகளை யூஸ் பண்ணக்கூடாது என்றும் தலைவர் அறிக்கை விட்டு இருக்கிறார். அவருக்குத்தான்எவ்வளவு பெருந்தன்மை? அது அவரின் தன்னடக்கத்தைக் காட்டுகிறது. 
அஜீத்துக்கு வருமா இதுபோன்ற பணிவு?!

ஆனால் தொண்டர்கள் எனும் முறையில், தலைவர் கோட்டையின் முன்னால் நிற்பதுபோல ஒரு படம் போட்டு, 'வருங்கால முதல்வரே' என்று போஸ்டர்கள் அடித்து ஒட்டுவோம்.

தலைவர் பாராளுமன்றத்துக்கு முன்னால் நிற்பதுபோல ஒரு படம் போட்டு, 'வருங்கால பிரதமரே, ஜனாதிபதியே' என்றும் போஸ்டர்கள் ஒட்டுவோம்.

வெள்ளை மாளிகை முன்னால் நிற்பதுபோல ஒரு படம் போட்டு, 'வருங்கால அமெரிக்க ஜனாதிபதியே' எனும் போஸ்டர் போட்டு தெருவுக்குத் தெரு, சந்துதுக்குச் சந்து ஒட்டி வைப்போம்.
ஒரு மூத்திரச் சந்தைக்கூட விட்டுவிடக் கூடாது.

மேலும் நற்பணி மன்றக் கழகக் கண்மணிகள் யாவரும் குடும்பத்துக்கு ஒரு மாட்டு வண்டி கட்டிக்கொண்டு, ஐ-நாக்ஸ் தியேட்டருக்குச் சென்று படம் பார்த்து தலைவரை மகிழ்விக்க வேண்டும். எவன் குண்டு வைக்கிறான் என்று ஒரு கை பார்த்துவிடலாம்.

அப்படியும் குண்டு வைத்து, வெடித்து நாம் உயிரிழந்தால்...,
நம் உடல் மண்ணுக்கு;
உயிர் தலைவருக்கு;
சோத்துப் பானை, அண்டா குண்டா, துருப் பிடித்த பீரோலு எல்லாம் தலைவரின் அப்பனுக்கு.

வாழ்க வருங்கால அமெரிக்க ஜனாதிபதி. 

## உடனடியா ரவுடி ஆகணும்னா, ஒரு பத்து ரூவா கட்டிட்டு பாமகவுல உறுப்பினர் அட்டை வாங்கிடுங்க. கல்லால் அடிப்பது, கம்ப்யூட்டர் உடைப்பது, கொட்டாய் கொளுத்துவது போன்ற ரவுடித் தொழில் நுட்பங்களை அவங்களே இலவசமா சொல்லிக் கொடுப்பாங்க.

## ஒரு அப்பார்ட்மெண்ட் லைஃப் 35 வருஷம்தானாம். ஒரு பிரபல பில்டர் செய்தி விவாதத்தில் போட்டு உடைத்தார்.

ஒரு மனக் கணக்கு : 

ஒரு சிங்கிள் பெட் ரூம் 25 லட்சம்னு வச்சிக்குவோம்.

35 வருஷத்துக்கு, தோராயமாக, 365 X 35 = 12775 நாட்கள்

ரூ.25 லட்சத்தை 12775தில் வகுத்தால் 196 ரூபாய். ஒரு நாளைக்கு.

196 நX 30 நாட்கள் (ஒரு மாதத்துக்கு) 5880.

சிங்கிள் பெட் ரூமுக்கு ஒரு மாசத்துக்கு சொந்த செலவு ரூ.5880.

மொத்தத்துல சொந்த செலவுல சூனியம்.

## 1. சென்னை மெட்ரோ ரயில் விபத்துக்களில் போதிய பாதுகாப்பு உபகரணமின்றி படுகொலை செய்யப்பட்டு உயிரிழந்த உழைப்பாளிகளுக்கு கோயம்பேடு ரயில் நிலையத்தில் ஒரு நினைவுத் தூண் அமைக்கப்பட வேண்டும். 

2. மேலும் பசியாலும் பட்டினியாலும், தாகத்தாலும், வெயில் மழைக் கொடுமைகளிலும், கூலி ஏய்ப்புகளிலும், இரவு பகல் பாராமல் உழைத்து ரயில் பாதைகளை உருவாக்கிய வட இந்திய தொழிலாளர்களின் நினைவாக ஒரு உழைப்பாளர் சிலையும் கோயம்பேடு ரயில் நிலையத்தில் வைக்கப்பட வேண்டும். 

அதுவும் முதல் ரயில் வெள்ளோட்டம் விட ரிப்பன் வெட்டுவதற்கு முன்னால் அமைக்கப்பட வேண்டும்!

## தலைவர்...தமிழர் பெருந்திரள் ஆர்ப்பாட்டம்... சுப்ரமண்யசாமி ஈகைப் பெரு நாள் வாழ்த்துச் சொல்லுவதுபோலவே நினைக்கத் தோன்றுகிறது! மனசுல ஒட்டலை வாத்தியாரே.

## இந்தியாவா அல்லது அமெரிக்காவா அப்படீன்னு ஒரு 'ஜனநாயக' வாக்கெடுப்பு நடத்திப் பாருங்க....?

மாம்பலம், மயிலாப்பூர், வேளச்சேரி, திருச்சி சிரிரங்கம் அத்தனை ஏரியாரியாவிலும் நூத்துக்கு நூறு சதவிகிதம் வாக்கு விழுந்திருக்கும்.

வண்ணாரப்பேட்டை, கூடுவாஞ்சேரி, கும்மிடிப்பூண்டி, குணகரம்பாக்கம்... இந்த ஏரியக்களில் ஓட்டு பூத்து மொத்தமும் காத்து வாங்கும்.

அறிவாளித் தனத்துக்கும், சகிப்புத் தன்மைக்கும் ஆன ஆக மொத்த வித்தியாசம் இதுதான். 

## இருட்டுக்கடை அல்வாக் கடைக்கு தொடு திரையில் வழிகாட்டி, 

புளூ டூத்து, 
சர்ரௌண்டு சௌவுண்டு டிடிஸ் சிஸ்டம், 
டில்ட்டு ஸ்டீரிங், 
சென்டர் லாக்கிங் சிஸ்டம், 
தூரல் போட்டால் தானே இயங்கும் வைப்பர், 
கால அளவைக்கேற்ற ஏர்-கண்டிசன், .... 
இத்தனைக்கும் நடுவில் இன்றைக்கும்கூட, ஹெட் லைட் டூமிற்கு தார் கேனைத் தூக்கிக்கொண்டுவந்து புள்ளி வைப்பது என்பது, அட்வான்சுடு ஆட்டோ-மொபைல் எஞ்சினீரிங் தொழில் நுட்பத்தையே கேவலப்படுத்துவதாக இருக்கிறதே?!

## அட்றா அவள

வெட்றா அவள...

காதலிக்க மறுக்கும் பெண்களையெல்லாம் தேடிப்பிடித்து வெட்டிக் கொலை செய்யச்சொல்லி, இளைஞர்களைத் தூண்டிவிடும் பாடல். பெண்களைக் கொச்சைப்படுத்தி, கொடுமையான வார்த்தைகளால் வன் கொடுமை செய்யும் பாடல்களாகப் பார்த்துப் பார்த்துப் பாடி, ஹிட் ஆவதில் தனுஷ் முதன்மையானவர். ஆனாலும் இந்த சோப்ளாங்கிக்கும் காதல் வந்தது. கணக்குப் பார்த்து, பணத்துக்குப் பணம் பொருந்திவந்ததால், ரஜினியும் எதையும் யோசித்துப் பார்க்காமல் சம்மதம் கொடுத்துவிட்டார்.

சந்துருவும் தனுஷ் போல ஒரு பெரிய நடிகனாய் இருந்தால், சேரன் தன் மகளின் காதலுக்குப் பச்சைக்கொடி காட்டியிருக்கலாம். ஏனென்றால் ஹோரோக்களின் பொறுக்கித் தனங்கள் சினிமாவில் சட்டை செய்யப்படுவதில்லை! பொறுக்கித் தனமாவது, சாதியாவது, மதமாவது...

## நாம் தமிழர் கட்சி அபரிமிதமாக வளர்ந்துந்துகொண்டே வருகிறது. 

'போட்டோஷாப்' மட்டும் இல்லையென்றால் கட்சியின் வளர்ச்சியில் ஒரு எண்பது சதவிகிதம் குறைந்துபோயிருக்கும். 

தமிழர்களின் சார்பாக, நன்றி போட்டோஷாப்...!

## லார்டு லபக்கு ரோடு....

இந்தியாவின் எல்லா முக்கிய நகரங்களிலும் ஏதாவது ஒரு நீண்ட நெரிசலான சாலைக்கு வலுக்கட்டாயமாக எம்.ஜி ரோடு (மகாத்மா காந்தி ரோடு) என்று நாமகரணம் சூட்டி இருப்பார்கள். அத்தகைய முக்கியமான 'கமர்சியல்' சாலையில்தான் நைக், ரீபாக், ரோலக்ஸ், லா-கோஸ்ட் போன்ற மேலை நாட்டு நுகர்வுப் பண்டங்களின் ஷோரூம் ஜகஜ்ஜோதியாய் ஜொலித்துக்கொண்டிருக்கும். இந்த 'மகாத்மா காந்தி ரோடு' என்று எழுதியிருக்கும் பலகையில் கரியைப் பூசி விட்டு, ஏதாவது 'லார்டு-லபக்கு' இங்கிலீஷ்காரன் பேரை வைத்தால் பொருத்தமாக இருக்கும்.

## "ராமதாஸ், அன்புமணிக்கு 24 மணி நேர, போலீஸ் பாதுகாப்பு தேவையில்லை; அவர்களுக்கு எந்த அச்சுறுத்தலும் இல்லை' என, சென்னை ஐகோர்ட்டில், போலீஸ் தரப்பில் தெரிவிக்கப்பட்டுள்ளது.

மக்களை இந்தக் கும்பல்தான் அச்சுறுத்திக்கொண்டே இருக்கிறது. இவர்களிடமிருந்து மக்களைப் பாதுகாக்க கனம் கோர்ட்டார் அவர்கள் உத்தரவிடவேண்டும்!

எர்வாமாடின் விக்கிறதுக்காவது சரிப்படுவாரா... எனது முகநூலிலிருந்து... 31

'பையனுக்கு பிஸ்கோத்து குடுத்திருக்கானுங்க; குடிக்க தண்ணி குடுத்திருக்கானுங்க; போர்த்திக்க லுங்கிகூட குடுத்திருக்கானுங்க; வலிக்கக்கூடாதுன்னு கிட்டத்திலேர்ந்து சுட்டிருக்கானுங்க. அவனுங்களுக்கு ரொம்பவும் இளகிய மனசு' - நாராயணசாமி அறிக்கை வந்தாலும் வரலாம்.

000

ராகுல் பிரதமரா? கிளார்க்கு வேலைக்கு கூட லாயக்கு இல்லலாத ஆளு - ஜெத்மலானி. 

சரி. எர்வாமாடின் விக்கிறதுக்காவது அந்தாளு சரிப்படுவாரா பார்த்து சொல்லுங்க..

000

நேற்று, 
சொந்த நாட்டில், போபால் படுகொலைக் காட்சிகளைப் பார்த்து கண் கலங்காத காங்கிரஸ் கயவர்கள், 
இன்று, 
அயல் நாட்டில் நடந்த ஈழப்படுகொலையைப் பார்த்தா கண்ணீர் விடப்போகிறார்கள்? 
நாளை, நமக்கு கூடங்குளத்தில் சங்கு ஊதும் காட்சிகள் கூட இந்தக் காங்கிரசுக்காரர்களின் கல்மனதை இளக்கப்போவதில்லை. 
சாவு வீட்டில் சென்று டான்ஸ் ஆடுகிறவனுக்கு துக்கம் என்றால் என்னவென்று தெரியப்போகிறது?!

000

உலகின் அடுத்த மூலையில் இருக்கும் அமெரிக்காவுக்காக கவலைப்பட்டு, ஆப்கானிஸ்தானை வம்புக்கு இழுத்து, ஒரு 'கற்பனைக் கதை' பின்னி வெளியிட்ட ஒலகமகா நடிகன், பாலச்சந்திரன் பிரபாகரனின் படங்களைப் பார்த்து, மனமிறங்கி, கற்பனை கலக்காத, பக்கத்து நாட்டில் நடந்து முடிந்த ஒரு உண்மைக் கதையை படமாக எடுத்து இந்தியாவில் வெளியிட தைரியம் இருக்கிறதா?

000

ஜெ.வுடன் சாலையில் பேசியதை வைத்து கூட்டணி என்று சொல்லக் கூடாது - வைகோ

வைகோ போயஸ் கார்டன் கேட்டை கெட்டியமா புடிச்சிக்கிட்டு, தேவுடு காத்து பேசின பொறவுதான் அதை கூட்டணின்னு சொல்லணும்.

000

அம்மா பிறந்தநாள் காவடி, பால்குடம். ஆம்புலன்ஸுக்கு வழி கிடைக்காததால் வேறு வழியில் திருப்பிவிட்ட புதுக்கோட்டை போலீசார்.

அம்மாவோட பாவக்கணக்குல இன்னொண்ணு. தொண்டர்கள் பிறந்த நாள் பரிசு. இத்தகைய தொண்டர்களுக்கு எமலோகத்தில் கொத்திக்கிற எண்ணைக் கொப்பரை ஒண்ணே ஒண்ணு போதுமான்னு தெரியலை.

000

பேச்சுக்கு கைதட்டாததால் ஆவேசம்! விவசாயிகளை கடுமையான வார்த்தைகளால் அறிவில்லாதவர்கள், உணர்ச்சியற்ற பிண்டங்கள் என்று திட்டிய வீட்டு வசதித்துறை அமைச்சர் வைத்தியலிங்கம்.

'இது ஒண்ணும் ஜால்ராக்கள் நிறைந்த சட்டசபை இல்லை' என்று சொல்லி, விவசாயிகள் அமைச்சர் மூஞ்சியில் கரியைப் பூசியிருக்கணும். கைதட்டலை கேட்டு வாங்குவாராம். கேவலமான புத்தி!

000

ஸ்ரீஹரிகோட்டா: பி.எஸ்.எல்.வி.–சி20 இன்று விண்ணில் பாய்கிறது! ஜனாதிபதி வருகை! 

ராக்கெட்டை எதுக்கு விடுறாங்க? மேல போனப்புறம் புளியோதரை பொட்டலம் போடுறதுக்கான்னு கேக்கறான். டேய், ரெண்டுத்தையும் மூடிக்கிட்டு மாடு மேய்க்கிற வேலையப் பாருடான்னா கேக்கமாட்டேங்கறான்.

000

அம்மா, 
உங்க கட்சிக்காரனுங்க உங்களுக்கு பிறந்த நாள் வாழ்த்து சொல்றேன் பேர்வழி அப்படீன்னுட்டு, பேனர்ல உங்கள 'வஞ்சப் புகழ்ச்சி அணியில' கிண்டலடிச்சி எழுதி இருக்காங்க. 

கொஞ்சம் சேம்பிள் பாருங்க அம்மா : 

"தலைக் காவிரியையே தமிழகத்துக்கு கொண்டுவந்துவிட்ட அம்மா அவர்களை வாழ்த்த வயதில்லை..."

உங்களைக் கிண்டலடித்து பேனர் வைத்த ஆசாமிகளை கையும் களவுமாகப் பிடித்து அவர்கள் மீது தக்க ஆக்சன் எடுக்குமாறு அன்புடன் கேட்டுக்கொள்கிறோம்.

000

"பத்து டியூ கட்ட முடியாம பெண்டிங்குல இருக்கு சார். பேங்கு நோட்டீஸ் மேல நோட்டீஸ் அனுப்புது. இனிஷியல் அமௌண்ட்டைக் கட்ட பொண்டாட்டி தாலியை சேட்டு கடைல அடகு வெச்சேன். இன்னைய தேதி வரைக்கும் மீட்க முடியலை. டிராவல்ஸ் காரை வச்சி மேய்க்கிறதுக்கு, நாலு எரும மாட்டை வாங்கி மேய்ச்சுக்கிட்டு, ஊர்லயே செட்டில் ஆகியிருக்கலாம்." - ஒரு கார் 'ஓனர்' பொறுமுகிறார். 

ஆனா, காருக்கு சுத்த தமிழ்ப் பேரு 'மகிழுந்து.' 

மகிழுந்து ஓனர் எவ்வளவு மகிழ்ச்சியா இருக்காரு பார்த்தீங்களா?

தமிழ் 'அறிஞர்கள்' சும்மணாங்காட்டியும் திண்ணையில குந்தியிருக்கலாம். இப்படியெல்லாம் வாய்க்கு வந்தாப்ல பேர் வைக்கப்படாது...!

000

அன்று ராஜாஜி சொன்ன குலத் தொழில் தொனியில்தான் இன்று சுப்பிரமணி (சுவாமி என்று இனிமேல் விளிக்கக்கூடாது) பிரபாகரனின் மகனையும் தீவிரவாதி லிஸ்ட்டில் சேர்திருக்கிறார். சு.சாமியின் குலத் தொழில் வேதம் ஓதி துட்டு வாங்குவது என்றால் அதையே ஏன் அவர் தொடராமல் வேறு ஏதேதோ அசிங்கமான வேலைகளைச் செய்துகொண்டிருக்கிறார்? சொந்த குலத்துக்கே துரோகம் செய்யும் துரோகி.

000

பால்வடியும் முகத்தோடு அமர்ந்திருக்கும் பாலச்சந்திரன் ஒரு சில நிமிடங்களிலேயே கொடூரமாகப் படுகொலை செய்யப்பட்டிருக்கிறான். இலங்கை அரசின் இனப்படுகொலை! இந்தியா இன்னும் மௌனம் காப்பது ஏன்?: தொல்.திருமாவளவன் கண்டனம்.

ரொம்பக் பொங்காத ராசா. ரத்தக் கொதிப்பு ஒடம்புக்கு ஆகாது. உனக்கு ராஜபக்சேவோட கை குலுக்கிட்டு, ஒரு டீ குடிக்கணும். அம்புட்டுதானே? மத்திய அரசு கொஞ்ச நாள் கழிச்சி சாவகாசமா ஒரு பிளைட்டு அனுப்பும். அப்போ போனாப் போதும். அதுவரைக்கும் கியூவுல நில்லு!

000

பாலசந்திரன் இலங்கை ராணுவத்தால் ஈவு இரக்கமின்றி சுட்டுக் கொல்லப்பட்டது, மன்னிக்க முடியாத மாபெரும் போர்க் குற்றமாகும் - முதல்வர் ஜெயலலிதா.

இது......., இந்த வார்த்தைக்குத்தான் பேனர் புகழ் சீமான் இத்தனை மணித் துளிகளாக வெயிட் பண்ணிக்கிட்டு இருந்தாரு. அடுத்த சைதாப்பேட்டை மீட்டிங்குல 'ஈழத்தை வென்றெடுத்த இனமானத் தாய்' எனும் பட்டத்தை செல்வப் பெருந்தகை சீமான் வழங்குவார்!

000

காவிரி நடுவர் மன்ற இறுதித் தீர்ப்பை அரசிதழில் வெளியிட்ட மத்திய அரசுக்கு நன்றி - கலைஞர் கீச்சு. 

ஆமாம். இனிமே, காவிரி டெல்டாவில் கேழ்வரகு விளைவதற்குப் பதிலாக நெய்யாகவே வடிந்துவிடும். தஞ்சை விவசாய்கள் அனைவரும் ஆழாக்கை எடுத்துக்கொண்டு வரிசையில் நிற்கவேண்டியதுதான் பாக்கி. (தல, பொன்னர் சங்கர் ரெண்டாம் பாகத்தை எப்ப எழுதுவீங்க?)

000

"பாவம். நடையா நடந்து வர்றீங்களே? ஒரு 'இன்னோவா' வேணும்னா அனுப்பிவிடவா? வைய்சான காலத்துல மூட்டு இன்னாத்துக்கு ஆகும்?"

"இன்னோவா வாங்கறதுக்கு நான் ஒண்ணும் நாஞ்சில் இல்லை."

"சரி. ஃபார்ச்சூனர் அனுப்பவா?"

"ம்.... வேணாம்."

"அட, ரோசத்தைப் பார்றா! சரி. பார்த்து நடந்து போங்க. இந்த டிஎம்கே காரவுங்க வண்டிய வேகமா ஓட்றானுங்களாம். தவளக்கா மாதிரி நசுக்கிடுவானுங்க."

"......"

"என்ன, மௌனமா இருக்கீங்க? சரி, வைகோ. வரட்டா?!"

"அம்மா... கார் அது இது எல்லாம் வேணாம். கவுரதையா ரெண்டு எம்பீ சீட்டு... கொடுக்க முடியும்னா, நாம பேரம் பேசலாம்."

"யோசனை பண்றேன். ஆனா ரெண்டு சீட்டு கேக்கறீங்களே... உங்க தகுதிக்கு கொஞ்சம் ஜாஸ்திதான். பாக்கலாம்!"

000

இலங்கைப் படையின் மறுப்பிலும், ஜெவின் ஒரு சட்டசபைக் கண்டனத்திலும், கருணாநிதியின் சுயநல ஐநா சபை மனுவிலும், சீமானின் தெருவுக்குத் தெருவான பேனர்களுக்குள்ளும், புதிய தலைமுறையில் சூடான விவாதங்களிலும், தினமலரின் கொச்சைப்படுத்தலிலும், காங்கிரஸ் குண்டர்களின் மன மகிழ்விலும், கொல்லப்பட்ட பாலச்சந்திரனின் மரணம் சடுதியில் புதைக்கப்பட்டு விடும்!

000

இந்தக் கருணை மனு காத்திருப்புக்கூட ஒரு விதத்தில் 'கரகரவென்று' கழுத்தை அறுத்துக் கொலை செய்யும் தண்டனைதான். கருணை கிடைக்குமா கிடைக்காதா என்று ஒருவனை நித்தம் நித்தம் சித்திரவதை செய்து சாகடிக்கிறது. தூக்குத் தண்டனையை விட, மிக மிகக் கொடுமையானது கருணை மனுதான். முதலில் இதை ஒழித்துக்கட்ட வேண்டும்!

000

உங்க பேரு என்னன்னு கேக்கறவுங்களுக்கு நாராயணசாமின்னு பதில் சொன்னா, 'ஓ, அவரா நீ' அப்படீன்னு ஒரு நமுட்டு சிரிப்பு சிரிக்கிறாங்க. - நாராயணசாமி எனும் பெயர் கொண்ட நண்பர் ஒருவரின் புலம்பல்.

000

வேளாண் துறையில் தமிழகத்துக்கு முதலிட விருது!

சரியான தேர்வு. அப்படியே, காவிரி நீர் பாய்ந்த இடத்தையெல்லாம் பாளம் பாளமாக வெடிக்க வைத்த கர்நாடக அரசுக்கும், மத்திய அரசுக்கும், நீதி மன்றங்களுக்கும் தலா ஒரு பித்தளை கோப்பையாவது கொடுத்து கவுரவப்படுத்தி இருக்கலாம்

000

சிறந்த சண்டைக் காட்சியமைப்பு - விஸ்வரூபத்துக்கு ஆஸ்கர்... எனது முகநூலிலிருந்து... 30

பாமக ஆட்சி பீடத்தில் அமரும்போது மூன்று மட்டுமே இலவசமாக வழங்கப்படும்: அன்புமணி ராமதாஸ்.

கோடாலி, வத்திப்பொட்டி, கெரசின் கேன்.

000

திரும்பத் திரும்ப ராஜ பக்சே திருப்பதி வருவதற்கு வசதியாகவே
ஆந்திராவில் ஆயிரம் வருடங்களுக்கு முன்னதாகவே தற்செயலாக
அமைந்துவிட்டதோ திருப்பதி?
என்னே ஏடுகுண்டலவாடாவின் மகிமை?

திருப்பதி மட்டும் தமிழகத்தில் இருந்திருந்தால்.... ('இருந்திருந்தால்' என்பதை மூணு தடவை எகோ வாய்சில் படிக்கவும்) மீசை முறுக்கி தொல்லும், சிங்கமும் அல்லாத புலியும் அல்லாத சீமானும், டெசோ ஜோடுதலைகளும் ராஜபக்சேவின் கோவணத்தை அவிழ்த்து, கசக்கி காயப்போட்டு, அயர்ன் பண்ணி, திரும்பவும் அதே இடத்தில் மாட்டி விட்டு ஏர்போர்ட் வரை சென்று வழி அனுப்பி வைத்திருப்பார்கள் என்று சொல்லவந்தேன்!

000

'நாங்களும் உன்னைப்போலத்தான். சேம் பிஞ்ச்,' என ராஜபக்சே வருகையின்போது, தனது விசுவாசத்தைக் காட்டிக்கொள்ளவே குருவை தூக்கில் போட்டிருப்பார்களோ?

000

சரியான தீர்ப்புகளை மதிப்பிடக்கூடியவை, வரலாறும் அறிவியலும் மட்டுமே! ஒரு மனிதனின் சிந்தனை இவை இரண்டையும் சார்ந்திருந்தால் மட்டுமே, அவனால் சரியான தீர்ப்பை அளிக்க முடியும்.

000

உலகம் உருண்டை என்று தன் நெஞ்சுக் குழிக்குள்ளேயே 'முழுங்கிவிட்டிருந்தால்' ஒரு வன்மையான விஷக் கொலை ஏற்பட்டிருக்காது!!! 

உண்மையாயிருந்தும் மௌனமாயிருந்தால்.... அதுவும் பொய்மைதான்.

000

வேலன்ஸ்டைன்ஸ் டே!!! 

அடடே.., தாராளமா கொண்டாடுங்க. கட்டி அணையுங்க. முத்தமிடுங்க. உருளுங்க. பெரளுங்க. ஆனா, அய்யாகிட்ட 'நோ அப்ஜெக்ஷன்' சர்டிபிகேட் வாங்கி பாக்கிட்ல வச்சிக்கிட்டீங்களானு ஒரு முறைக்கு ஓராயிரம் முறை செக் பண்ணிடுங்க! இல்லைன்னா, அனஸ்தீசியா இல்லாம ஆப்பரேஷன் தான்!

000

என் அறிவுக்கு எட்டியவரை, முத்துக்குமார் படத்தை பேனரில் போட்டுத்தான் நாம் தமிழர் கட்சி நாளொரு மேனியும் பொழுதொரு வண்ணமுமாக வளர்வதாக, (அவர்களின் பேனரைப் பார்க்கும்போதெல்லாம்) ஒரு நினைப்பு வந்து தொலைக்கிறது. தப்பா ரைட்டானு தெரியலை!

000

ஜெயலலிதாவை சந்திக்க விரும்புகிறேன், நேரம் கேட்டுள்ளேன்: கமல்.

ஜெயலலிதாவை...!! இங்கன பாருய்யா கமலு. இப்படி மொக்கையா கேக்கப்பிடாது. அப்பாயிண்ட்மெண்டு வேணுமுன்னா ஜெவுக்கு முன்னாடி சிலபல அடைமொழிகளை சேத்து மருவாதையா சொல்லோணும். இல்லேன்னு வச்சிக்கோ, அம்புட்டுத்தேன்!

000

சட்டசபையில் அதிருப்தி தேமுதிக எம்.எல்.ஏ. மைக்கேல் ராயப்பனுக்கு தேமுதிக எம்.எல்.ஏக்கள் சரமாரி அடி-உதை...

சரி, வுடு! 
ராயப்பன் சார் மிந்தானாத்தே அதிமுக கணக்குல அக்கவுண்ட்டு ஆரம்பிச்சிட்டாருன்னு வச்சிக்க. இப்ப இன்னா செய்வீங்க?!

000

சண்டைக் காட்சிகளின் தத்ரூபமான 'அமைப்புகளுக்காக', வெள்ளை மாளிகையே விருப்பப்பட்டு, விஸ்வரூபத்தை ஆஸ்காருக்கு பரிந்துரை செய்ய வாய்ப்புக்கள் அதிகம். மேலிடத்து விவகாரம். ஆனால், இன்னுமொரு 'தமியனுக்கு' ஆஸ்கார் நிச்சயம். 

தமிழன் வெல்க!

000

எதிர்க்கட்சி உறுப்பினர்களின் பேச்சு சுதந்திரம் பறிக்கப்படுகிறது! விஜயகாந்த் கண்டனம்!

பரால்ல... உன்னால முடியலைன்னா விட்டுடு நைனா! 
தோ...., இந்தா அந்தான்னு குஷ்பூ அக்கா செருப்படி வாங்கி, வளர்ந்து வந்துட்டே இருக்காங்க. அடுத்த எலக்சன் முடிஞ்சிதுன்னா டெபினிட்டா அவங்கதான் எதிர்க் கச்சி!

000

'இங்கு குஷ்பு இட்லி கிடைக்கும்' என்று போர்டு போட்ட ஓட்டல்கள் அடித்து உடைக்கப்படும் வாய்ப்பு இருக்குமோ?!

000

தனிக் கட்சிதான் பெஸ்ட் மேடம். நாளைக்கே துவங்கிட்டீங்கன்னா, வரும் எலக்ஷன்ல எதிர்கட்சி அளவுக்கு வர வாய்ப்பு உண்டு. ஒரே நாள்ள ஒருகோடி மெம்பர்கள் உங்கள் கட்சிக்கு வந்துவிட ரெடியாய் இருப்பார்கள். அதே திருச்சியிலயே மானாடு போட்டுறலாம். 

சரி. இப்ப கண்ணைத் தொடைச்சிக்கோங்க. ம். எங்கே சிரிங்க? தட்ஸ் குட்!

000

விஸ்வரூபத்தை எதிர்க்கும் மதத் தலைவர்கள், குஷ்பூவின் விண்டோ ஜாக்கெட்டை துணி போட்டு மூடச்சொல்லி இதுவரை கோரிக்கை வைக்கவில்லை. ரசிக்கிறார்களோ?

000

இந்த உலகத்தை விட்டு, சொர்க்கத்துக்குப் போக விரும்புவர்கள் விரைந்துபோகக் கடவது. அவர்களைத் தடுப்பார் யாருமில்லை. எல்லாம் வல்ல இறைவா, உன்னால் முடியாது என்பதால், நாங்களே இந்த நரகத்தை சொக்கமாக்கிக் கொண்டுவிடுவோம்.

000

விஸ்வரூபம், படம் எப்படி எடுக்ககூடாது என்பதற்கு ஒரு உதாரணம் - 'சொம்பு' சரத்குமார். 

இவர் வேட்டி கட்டுவது, வெறும் விளம்பரப் படத்தில் மட்டும்தான் என்பது இன்றைய தேதிக்கு உலகமே அறிந்துகொண்டுவிட்டது!! பரம சிவன், கழுத்து, பாம்பு... அடத்த் தூ...

000

கடந்து வந்த நம் பாதைகளில், கடந்துபோன சில 'வாத்தியார்களை' நம்மால் மறக்க இயலவில்லை! எனக்கு அந்தோணி சார் என்று ஒரு அறிவியல் வாத்தியார். அவர் இருக்கும் திசைக்குத் திரும்பி, இன்றும்கூட "வணக்கம் சார்," என்று சொல்லத் தோன்றுகிறது. அறிவியலை என் பாக்கெட்டுக்குள் ரூபா நோட்டை செருகுவதுபோல கற்பித்தவர். 

அந்தோணி சார்...

000

தமிழ்ப் படவுலகை ரட்சிக்க வந்த கர்த்தருக்கு (கர்த்தரோட சொந்த வாக்குமூலம்தான்!) வந்த சோதனை. 

கர்த்தரே... கர்த்தரே... எங்கள எங்க நீ கூட்டிப் போற?!

000

"அடியே..., அடியே..., என்ன எங்க நீ கூட்டிப்போற...?" 
பாட்டைக் கேட்டீங்களாண்ணே?
ப்ளடி..., குரலை ஏத்தி இறக்கி, அழுது ஆர்ப்பாட்டம் செய்து... 
சுடுகாட்டுக்கு, அரிச்சந்திரனுக்கு முன்னால, பிணத்துக்கு வழி விடக்கேட்டு, ஒத்தைப் பறை இசையில் பாடுவதுபோலிருக்கு. 
அடங்க... இதையும் காப்பியடிச்சிட்டீங்களாடா?!

'முப்பத்தாறே ரூவாயில் பூவா திங்கிறது எப்படி?..' எனது முகநூலிலிருந்து... 29

விஸ்வரூபம், எந்த ஹாலிவுட் படத்தின் அப்பட்டமான காப்பி என்று முதன் முதலில் சொல்பவர்தான் அந்தப் படத்தின் மிகச் சிறந்த துல்லியமான விமர்சகர்!

000

தமிழ் புத்தாண்டு : 
தை 1 = டிஎம்கே. 
சித்திரை 1 = ஏடிஎம்கே. 
இதைப் புரிந்துகொள்ளும் அரசியல் சிற்றறிவு இருந்தாலே நாம் ஓட்டுப்போட தகுதியானவர்கள்தான்.

000

'முப்பத்தாறே ரூவாயில் பூவா திங்கிறது எப்படி...' அப்படீன்னு பொஸ்தக கண்காச்சியில பொஸ்தகம் கெடைச்சா சொல்லி அனுப்புங்கண்ணே! அப்படியே லம்ப்சமா வாங்கிக்க ஆள் இருக்கு!!

000

புரச்சித் தலைவருக்கு கருப்பு பொங்கலாம். 
தம்ப்ரீ... எங்க மஞ்சத் துண்டார், கேசரிப் பவுடர் போட்டாருன்னா அது மஞ்சப் பொங்கல். யாருகிட்ட?!

000

இந்திய விவசாயிகளை வால்மார்ட் காப்பாற்றுமென்றால், பிரதமர் எதற்கு? - தோயர் தாபா. 

அம்மா 'அங்கிட்டு' போனப்புறம்தான் எங்க தோயருக்கு திக்காம பேச வருது!

000

காவிரிப் பிரச்சினையை பேசித்தான் தீர்க்க வேண்டும் - கர்நாடக துணை முதல்வர். 

கட்ட பஞ்சாயத்து பேசும்போது, புளிச் புளிச்சுன்னு துப்புறதுக்கு சொம்பை நீங்க எடுத்துக்கிட்டு வர்றீங்களா; இல்லேன்னா நாங்க கொண்டு வரட்டுமா?

000

பிரதமர் கனவு ஜெயலலிதாவை ஆட்டிப் படைக்கிறது - தலைவர். 

ஸ்டாலினை முதல்வர் ஆக்கும் கனவு, எங்கப்பனை ஆட்டோ ஆட்டுன்னு ஆட்டிப் படைக்கிறது - அயகிரி 

(பெத்துப் போட்டதே நாக்குமேல பல்லைபோட்டு கேக்கும்போது... வேணாம் வுட்டுடு தலிவரே...!!)

000

மதுரையாம், ராமநாதபுரமாம், தடையாம், உள்ளே நுழைய முடியாதாம்... 
யாருக்குப் போடுகிறாய் தடை? 
மரம் வெட்டினாயா? 
ரோடு தோண்டினாயா? 
கொட்டாய் கொளுத்தினாயா? 
ஜாதிச் சண்டை போட்டாயா? 
அல்லது எம்குலப் பெண்டிருக்கு குலம் கோத்திரம் பார்த்து ஜாதகம் கொடுத்தாயா?
மாமனா, மச்சானா... யாருக்குப் போடுகிறாய் தடை...?

000

எனக்கென்னவோ கண்ணகி சிலை படுத்துக் கிடந்த இடத்துக்கு அய்யன் சிலைய அனுப்பிடுவாங்களோன்னு பயமா இருக்கு. இருக்கிறது வரைக்கும் லாபம்னு விட்டுத் தொலைங்க தலிவா. அப்புறமா உள்ளதும் போச்சுடா நொள்ளக் கண்ணான்னு ஆகிடப் போவுது?!

000

'ஒயிட்ல வாங்குற பணத்துக்கு அரசு சேவை வரி போட்டுதுன்னா, அதுவும் ஆட்டாமாட்டிக்கா 'பிளாக்' ஆகிடும். மொத்தத்துல அரசு நாமம் போட்டுக்கும்.' - ரஜினியின் குரளுக்கு விளக்க உரை!

000

'சிதம்பரம் மன்மோகன் மச்சான்ஸ்...' அப்படீன்னு நமீ ஒரு வார்த்தை சொல்லியிருந்தா ரஜினி & குரூப்பு பிளாட்பாரம் வந்து போராட வேண்டி இருக்காது!

000

"பந்தலிலே பாவக்கா, தொங்குது பார் ஏலக்கா..." 
ஒப்பாரி ஒண்ணுதான் பாக்கி! சோகத்தைப் பார்த்தீங்களா?!

000

பாக்கறதுக்கே பரிதாபமா இருக்கு. 
சாப்ட்டு பத்து நாளாச்சி. 
நடிக்கிறதுக்கு வாங்குற கூலி, ஒயிட்டுல ஒரு நாளைக்கு வெறும் ஐனூறு ரூவாதான். ஆனா சேவை வரி கட்டணும். 
வருங்கால முதல்வருக்கே இந்தக் கொடுமைன்னா, நாமெல்லாம் வெறும் பிஸ்கோத்து!

000

சேவை வரின்னு சொல்லிட்டு, பாவம் இந்த ஏழைகளை பிளாட்பாரத்துல உக்கார வச்சிட்டீங்களேடா பாவிகளா? நீங்க நல்லா இருப்பீங்களா? அந்த கும்பல்ல பாத்தீங்கன்னா, ஒரு வருங்கால பிரதமர், ஒரு வருங்கால முதல்வர், ஒரு வருங்கால அமெரிக்க ஜனாதிபதி... இதுக்கெல்லாம் நீங்க பதில் சொல்லியே ஆவணும். பாவம்; அவங்களை விட்டுடுங்க. அவங்க கொடுக்க வேண்டிய சேவை வரி துட்டை நாங்களே கொடுத்து தொலைக்கிறோம்.

வேணும்னா, பெட்ரோல் வெலையை ராவோட ராவா ஒரு பத்து ரூவா ஏத்திக்க. நாங்க கண்டுக்க மாட்டோம். அவங்களை விட்டுடுங்க!

000

பள்ளி துவங்கும் நேரம் காலை 7.30 மணிக்கு மாற்றப்படும் - தமிழக அரசு.

பேசாம, மொத்தத்தையும் இரவுப் பள்ளியா ஆக்கிடுங்க.
ராத்திரில இஸ்கோலுக்கு போயி, விடியறதுக்குள்ள வூட்டுக்கு வந்துடணும். ஜனங்களுக்கு தொந்தரவே இருக்காது பாருங்க. அரசு ஆவன செய்யுமா?

000

பாலியல் பலாத்காரம் செய்யும் எம்.பி., எம்.எல்.ஏக்களை நீக்கும் அதிகாரம் எங்களுக்கு இல்லை: சுப்ரீம் கோர்ட்.

'கைய புடிச்சி இழுத்தியா...?' அப்படீன்னு நீங்க கேட்டு, 'என்ன கைய புடிச்சி இழுத்தியா?' அப்படீன்னு ஒரு பதிலை வாங்கிக்கிட்டு, கவுரதையா கேசை தள்ளுபடியாவது செய்யமுடியாதுங்களா எஜமான்?

000

எனக்கு பின் ஸ்டாலின்: கருணாநிதி
திமுக மடம் அல்ல : அழகிரி ஆவேசம்.
ஆதரவாளர்கள் கொந்தளிப்பு!

பூப்போட்டுப் பார்த்துடுங்க தலிவரே.
குஷ்பூவோட கண்ணைக் கட்டி பூவை எடுக்கச் சொல்லுங்க.
பிரச்சினை முடிஞ்சிது.
சென்னை மதுரை டோட்டல் தமிழகமே மொத்தமா சரண்டர் ஆகிடும்.